Corcubión 0-0 Cee

Corcubión: Abe, Chema (Denís min.60), Sergio, Pablo, Marcos, David, Gabi, Iván (Kike min.51), Lema, Brais, Manu L. (Manu F. min.70 (Cristian min73))

Cee: Sergio, J. Ramón, Ismael Trinidad, Rubén, Iago, J. Antonio, Isma Lamela (Armando min.55), Diego , Uri, Sergio, Chiru (Javier Corbelle min.78)

Lesións: O xogador fisterrán do Corcubión Manu que tivo que retirarse aos 3 minutos de entrar.

 

Expulsións: Brais no minuto 30 por dobre amoestación, a primeira por encararse co público e a segunda por protestar.

Emocionante derbi o disputado na vila de San Marcos. Enfrontábanse o terceiro e o cuarto clasificado nun encontro con bastante presenza de público das dúas vilas. Foi un derbi de mais duro que de bo xogo que quentou tanto á grada como aos xogadores.

A primeira metade comezou co Cee incomodando á defensa local con continuos ataques contra a portería que defendían , nun córner, o Cee estivo a piques de adiantarse tras un cabezazo ao pau. O partido xa estaba quente entre os xogadores ao tratarse dun duelo entre dúas vilas colindantes, pero a grada aínda quentaba mais se podía ser posible aos xogadores, a isto ven a expulsión do local Brais por encararse co público no minuto 30. A todo isto o Corcubión dispuxo de algunha oportunidade de inquietar ao meta da vila da Xunqueira.

Na segunda metade, as cousas seguiron iguais, ambos equipos dispuxeron de boas ocasións, mais o Cee que o Corcubión. Abelleira salvou en varias ocasións ao seu equipo demostrando a calidade que ten. Ao final 0-0 que deixan as cousas iguais o Cee segue a 1 punto do Corcubión pero agora o Fisterra esta a 2.

Soneira 2-1 Corcubión

Soneira: Víctor, Vicente, Cesar (Marcos min.55), Sergio, Alberto, Daniel (Jesús min.68), Fernando, Cristian (Alberto Caamaño min.80), Basti, Cristian Álvarez, Ismael

Corcubión: Abe, Chema (Zaca min.70), Sergio, Pablo, Marcos, Iván (David min.45), Toni (Pico min.60), Gabi, Lema, Manu, Brais (Cristian min.64)

Goles: 1-0 Cristian min.27, 2-0 Basti min.40, 2-1 Manu min.44

 Encontro disputado entre o primeiro e o terceiro clasificado do grupo 3 da Primeira Autonómica Xuvenil. Un encontro no que puidemos ver un gran partido entre ambos conxuntos a pesar do vento e frío que azoutaron este pasado fin de semana en Galicia.

Na primeira metade ambos conxuntos foron a demostrar o seu poderío futbolístico con grandes oportunidades de gol en ambas porterías. No 28, un balón que queda no borde da área, é golpeado por Cristian pasándolle por entre as pernas ao porteiro visitante. 13 minutos despois, o goleador soneirán, Basti, fixo o 2-0 tras unha mala falta sacada polo Corcubión na frontal da área local, o rexeite quédalle o Soneira, que tras unha contra ben sacada, puxo a clara vantaxe no marcador. Catro minutos mais tarde, Manu, aproveitando a velocidade do equipo dirixido por Alfonso, marcou facendo posible unha remontada dos da vila de San Marcos.

Tralo descanso o Corcubión veuse arriba, véndose capaz de marcar mais goles e aproveitando o vento a favor. Non se moveu o marcador no que quedaba de partido, aínda que se dispuxeron de moitas ocasións pero os cancerbeiros defenderon a súa zona perfectamente.

Ao finalizar o partido, houbo pequenos rifirrafes entre os dous equipos trala tensión do encontro, aínda que o colexiado non anotou nada na acta, xa que marchou para o vestiario sen que os dous equipos entrasen diante del e cun xogador tendido no céspede por mor dunha lesión. A todo isto, o Corcubión xa presentou as alegacións pertinentes contra o colexiado pola súa actuación ao rematalo encontro.

Corcubión 4-1 Esteiro

Corcubión: Lema, Chema, Pablo, Toni, Marcos, Iván (Mario min.70), Gabi, Cristian, Manu de Lira, Brais (Kike min.45), Manu de Fis.

Esteiro: Adán, Manuel (Pablo min.55), Diego (Nicolás min.53), Abel, Santiago, Jacobo, Javier, Adrián (Alberto min.57), David, Agustín (Xabier min.68).

Goles: 1-0 Cristian min.13; 2-0 Brais min.33; Manu de Lira min.67; 3-1 Pablo p.p. min.84; 4-1 Mario min.88

 Expulsión: o xogador visitante Abel no minuto 71 por cartón vermello directo e iso que xa tiña un cartón amarelo.

Encontro moi cómodo para o conxunto de Alfonso que pese a que tiña ate 8 baixas, demostrou ser un equipo que está a esperar o fallo dos dous de arriba para acercarse. Cabe destacar que desas 8 baixas, entre sancións, lesións e convocatorias co primeiro equipo, o Corcubión non dispoñía de ningún porteiro e tivo que ser Lema o que tivo que xogar nesa posición.

Na primeira metade o Corcubión nos primeiros minutos tivo varias ocasións para marcar pero sería Cristian, que leva xa dous partidos consecutivos marcando, o que abriría a lata. Seguiu atacando o conxunto local que non deixaría que o Esteiro tirase á portería defendida por Lema neste encontro. No minuto 33 outro gol máis do máximo goleador local. Brais poría o definitivo 2-0 ate chegar ao descanso. O propio Brais tivo que ser substituído no minuto 45 tras unha entrada brutal dun xogador visitante que si o colle ben podería facerlle moito dano. 

Xa na segunda metade o Esteiro seguía a facer un xogo duro para parar a velocidade local pero Manu de Lira facía o terceiro gol que daba a tranquilidade aos seareiros locais. No minuto 71 o xogador Abel, o mesmo que lesionou a Brais na primeira metade, foi expulsado por cartón vermello directo por outra xogada de xogo duro do equipo local que non se xogaba nada e aliñou aos seus dous xogadores sancionados, aínda que o equipo local non reclamase polo resultado obtido. No minuto 39 da segunda metade, o Esteiro recortaría o resultado tras un gol de Pablo en propia porta pero a falla de 2 minutos para o final, a grada viuse abaixo có gol de Mario, que está a contar con moi poucos minutos pero que nunca despreza eses minutos que disputa.

Mazaricos 3-6 Corcubión

Mazaricos: Rubén, Alejandro, Adrián, Esteban (Jose Manuel min 38), Mario Carballo, Alberto, Mario Núñez, Luís, Cristian, David, Mario Blanco

Corcubión: Iago, Chema (Denís min 63 (Zaca min 84)), Sergio, Pablo, Marcos, Gabi, Toni (David min 45), Iván (Cristian min 77), Lema, Brais (Kike min 86), Manu

Goles:  Cristian (2) e Mario Núñez polo Mazaricos e Brais (2), Manu (2), Lema e Cristian polo Corcubión

Expulsións: Alejandro por dobre cartón amarelo, David por cartón vermello directo e o adestrador por dobre cartón amarelo todos eles do Mazaricos.

Partido con moita choiva nun campo que non daba abasto a expulsala auga do terreo de xogo. Comezou o partido cun gol do Mazaricos nun mal entendemento entre a defensa visitante e o seu porteiro no minuto 2 de partido. O estado do terreo de xogo estaba moi anegado e facía que o esférico fose con moita rapidez creando serios problemas aos dous equipos. Nun destes balóns rápidos, Manu fixo o primeiro gol visitante no minuto 25 e dispuxo, tanto el como Brais, de por o seu equipo por diante no marcador. Foi Brais, o goleador do equipo nas últimas xornadas, o que 11 minutos mais tarde desta vez si poría o 1-2 no marcador. Este foi o resultado ate chegar ao descanso aínda que ambos conxuntos tiveron moitas oportunidades para perforala rede. 

Nada mais pitar o colexiado o inicio da segunda metade, aos 20 segundos, o Mazaricos volvería por o marcador en táboas cun bo gol dende fora da área, que toca no porteiro e logo entra na portería tocando primeiro no pau. Non durou moito a alegría polo gol xa que Brais, o se segundo gol da tarde, volveu marcar nunha xogada rápida aos 2 minutos, aínda que o Mazaricos volvería marcar nun despexe do porteiro da vila de San Marcos que queda no punto de penalti e fusila libre de marca. O Corcubión aproveitouse do estado do terreo do xogo e da rapidez dos seus homes de arriba que puxeron an apuros a defensa local, ademais a presión exercida sobre a defensa, obrigándoa a cometer erros. Nun destes erros Lema, aproveitando a súa velocidade sobre a defensa , volvería a adiantar ao seu equipo. A defensa local seguía cometendo erros en un saque de banda rápido, Manu faría o seu segundo gol da tarde cando se encontraba so contra o cancerbeiro. Co partido mo protestado polo Mazaricos, dada a mala actuación do colexiado nalgunhas xogadas clave, ademais da expulsión de 2 xogadores e o adestrador. Xa co partido case rematado, Cristian estreábase como goleador e metería o sexto gol  tras un córner.

A acta do partido recolle que trala expulsión do adestrador, este negouse nun primeiro momento a abandonalo terreo de xogo, ademais de proferir ameazas contra o colexiado, que pediu ao adestrador visitante, nese intre o actual delegado pola expulsión no anterior encontro do adestrador Alfonso, que chamase a Garda civil para o final do partido xa que temía pola súa seguridade, aínda que logo non apareceron por non localizar o campo, pero non houbo altercados ao final do encontro. Tamén recolle a acta que o adestrador local negouse nun primeiro intre a abrirlle a porta dos vestiarios ao colexiado aínda que despois accedeu. Parece que lle pode caer unha boa sanción ao clube e tamén unha multa económica.

Cabe destacar a boa actuación da recente fichaxe corcubionesa de Gabi, o que fai que Lema poida desenvolver as súas funcións na banda que e onde mellor se adapta, aumentando a velocidade do equipo na parte dianteira.

Santa Comba 4-3 Corcubión

Santa Comba: Pablo, Martín, Sergio, Daniel, Francisco, Javier, Marcos, Diego, Roberto (Jose Manuel min.84), Pablo Pérez (Marcos Recarey min.89), Iván

Corcubión: Abe, Chema (David min.70), Marcos, Sergio (Denís min.30), Pablo, Lema, Toni, Iván (Roberto min.79), Pico (Kike min.75), Brais, Manu

Goles: 1-0 min.6 Martín (p); 1-1min.11 Brais; 1-2 min.19 Manu; 2-2 min.21 Pablo Pérez; 2-3 min.24 Brais; 3-3 min.30 Iván; 4-3 min.56 Pablo Pérez

Cartóns: amarelos para Javier e Marcos por parte do Santa Comba, e Jorge (delegado) por parte do Corcubión e por dobre cartón para o adestrador do Corcubión Alfonso.

Encontro moi emocionante na primeira metade con 6 goles nos 30 primeiros minutos. Duelo de equipos da parte alta da táboa con bo fútbol para os poucos asistentes o Municipal de Castriz. O encontro retrasouse un par de minutiños xa que o arbitro chegou cando so quedaban 15 minutos para o comezo.

Comezou adiantándose o Santa Comba tras un claro penalti que seria protestado polo banquillo visitante xa que o colexiado concedeu a lei da vantaxe na xogada e despois pita penalti. Pero nunha xogada típica ultimamente no Corcubión, Brais, tralo saque dunha falta en longo, collería o rexeite e batería ao porteiro e 8 minutos mais tarde, nunha contra Manu, co porteiro adiantado, marcaría pola escuadra sen darlle a posibilidade de chegar a tocalo balón.

O Santa Comba non se viría abaixo e seguiría atacando e noutro erro da defensa, marcaría Pablo fusilando por baixo tras un rexeita na area pero 3 minutos despois Brais, o goleador do equipo e protagonista nestas ultimas xornadas, poría ao Corcubión outra vez por diante.

Como o partido estaba tolo o Santa Comba foise carra arriba e aproveitaríase doutro erro da defensa para poñer a igualada no marcador ate chegar ao descanso. Nesta primeira metade veuse bo fútbol por parte dos dous equipos que foron a gañar o partido en todo momento.

A segunda metade comezou sen cambios, os dous equipos seguiron indo cara a portería contraria, tendo moi boas ocasión o Corcubión para volver a adiantarse pero por mala sorte ou falta de definición, non foi capaz de marcar. Pero si seria o equipo local o que, no minuto 56, que marcaría para poñer o resultado final no marcador. Cabe destacar que Abe parou outro penalti, o seu rexeite e outra vez o rexeite que faría que os poucos asistentes quedaran abraiados. Outro penalti pitado e protestado polo Corcubión, aínda que foi claro, por que outra vez o arbitro deixou a lei da vantaxe cando isto non se pode facer. Poucos minutos despois seria expulsado o adestrador visitante Alfonso, por protestar ensinarialle o primeiro cartón amarelo, e por non situarse na area técnica o segundo, todos no mesmo minuto. O curioso e que ningún campo da costa ten o que eles chaman “area técnica” e o adestrador estaba situado entre o banquillo e o liña do medio campo.

Corcubión-Dumbría

Corcubión: Abe, Chema (Roberto min.20), Sergio, Pablo, Marcos, Lema, Antonio (Cristian min.45), Iván (Iago min.72), Manu, Brais (Mario min.65), Kike (Pico min.45).

Dumbría: Ángel, Eduardo (Martín Piñeiro min.45), Samuel, Sergio (Rubén min.35), Javier (J. Manuel Blanco min.78), Adrián,  Damián (Rafael min.70), J. Manuel Pérez, M.Antonio, Israel, Martín Pérez.

Goles:  1-0 Brais min.9, 1-1 Damián min.13, 2-1 Manu min.26, 3-1 Brais min.31, 4-1 Brais min.34,5-1 Manu min.80, 5-2 Martín Pérez min.86, 5-3 Martín Piñeiro min.91

Comezou o partido dominando o Corcubión por medio de Brais no minuto 9, pero uns minutos mais tarde, Damián, axudándose dun rebote nun xogador local, poría o empate no marcador, pero Manu no 26 e Brais, por dúas veces nos minutos 31 e 34 puxeron ao Corcubión por diante no marcador, mostrando a superioridade sobre o Dumbría. Este ultimo gol veu dun córner que sacan en corto sen que a defensa se dera conta e Brais foi so cara portería e bateu ao porteiro. Hat-trick do máximo goleador local que suma así 3 goles mais a súa conta particular.

Na segunda metade o Corcubión daríalle minutos aos seus xogadores menos habituais e ate o porteiro local acabaría xogando de xogador. Aínda que o Corcubión se relaxou un pouco, Manu volveu a marcar facendo o seu segundo tanto da tarde, pero a relaxación do Corcubión fixo que o Dumbría se viñese arriba, que recortara a diferenza no marcador e puxo en apuros ao Corcubión que, de seguir uns minutos mais, acabaría empatando o partido.

Moi vos 3 puntos para o Corcubión que se sitúa terceiro pero agora veñen seguidos os rivais fortes nos que debería gañar se queren coller aos dous loitadores polo titulo.

Corcubión 2-1 Outes

Corcubión: Abe, Chema, Marcos, Pablo, Denís, Sergio, Lema, Antonio (David min.56), Manu, Iván, Kike (Mario min.86)

Outes:  Jonathan, Óscar, Alejandro ( Pablo min.87, Juán A. ( Rubén min.79), Alexandre, Alfonso, David, Sergio, Eduardo, Ismael, Adrián Otero (Pablo García min.69)

Goles: 1-0 Lema min.7; 1-1 Óscar min.10; 2-1 Lema min.64

Encontro con moito vento no Novo Cubaleiro que fixo que os dous equipos cometesen erros ao non poder controlar ben o esférico.

Na primeira metade, o Outes era quen tiña o vento a favor e creaba serias dificultades na defensa rival, pero no minuto 7, Marcos saca un córner que peta no longueiro  e na area pequena, Lema remata a pracer. Pero non lle duraría moito a alegría ao equipo de Alfonso xa que 3 minutos mais tarde, un despexe  axudado polo vento pasa sobre o medio campo corcubionés, e Óscar, nun 2 para 1 coa defensa, marca o empate, que duraría toda a primeira parte. Nesta xogada, o equipo visitante pediría penalti sobre o propio Óscar cando ia so cara a portería , e un xogador local faríalle a zancadilla pero o colexiado non o apreciou así.

Xa na segunda parte o Outes quixo ter o balón, e a falta de despexalo, preferiu xogar por raso complicándolle a vida a defensa local. As opcións que tivo o Corcubión foron as de aproveitar a súa velocidade arriba pero, co vento que facía, era o esférico o que corría mais que os propios xogadores. No minuto 64 en outro córner, Lema, desta vez de cabeza no primeiro pau, decantou o partido para o seu equipo e non se volvería mover o marcador, aínda que as dúas escuadras intentaríano, o Outes seguiría facendo xogadas por raso moi perigosas, e o Corcubión con balón en largo e con xogadas a balón parado.

Cabe destacar que o encontro foi moi limpo sen ningunha cartolina por parte de ningún dos dous equipos.